31-январь Кыргыз Республикасынын зергерлер күнү
«Урматтуу зергерчилик тармагындагы өкүлдөр!
Сиздерди кесиптик майрамыңыздар – Кыргыз Республикасынын Зергерлер күнү менен куттуктайм!
Республикабыздын өнүгүүсү үчүн зергерчилик тармагынын маанилүүлүгүн эске алып “Кыргыз Республикасынын Зергерлер күнү” кесиптик майрамы Кыргыз Республикасынын Өкмөтүнүн 2021-жылдын 4-майындагы токтому менен бекитилген жана жыл сайын 31-январда белгиленип келет.
Зергердин оор жана ошол эле учурда асыл эмгеги сулуулук жана кооздук тартуулоо болуп саналат. Белгилей кетсек, зергерчилик өнөр жайынын өнүгүү жолу ар дайым татаал жолду басып, өнөр жай зергерчилик өндүрүшү Союз учурунда Кыргызстанда анча өнүккөн эмес, бирок салтты сактап, кийинки муундарга өткөрүп берген усталар ар дайым болгон.
Баалуу металлдар департаменти бул керемет өнөрдү сактоого жана өнүктүрүүгө өндүрүүчүлөрдүн кошкон салымын жогору баалайт,
Департаменттин атынан зергерчилик тармагынын бардык өкүлдөрүнө кесипке берилгендигиңиздер жана республиканын маданий мурасына жана финансы тармагына кошкон салымыңыздар үчүн ыраазычылык билдирем.
Сиздерге чыгармачылык ийгилик, мындан ары да оригиналдуу идеялардын жарала беришин каалайм!
Ушул майрам күнү тармактын жалпы кызматкерлерине жана алардын үй-бүлөлөрүнө бакубатчылык, чың ден соолук жана узун өмүр каалайм!
Сиздерди терең урматтоо менен Баалуу металлдар департаментинин директору Кадыракунов Алмаз Асанакунович
