Кыргыз Республикасынын Финансы министрлигине караштуу Баалуу металлдар департаменти Кыргызская фондулук биржасы аянтчасында ата мекендик зергер буюмдарын өндүрүүчү ишканага күмүштү сатуу боюнча биринчи биржалык бүтүм ийгиликтүү жүргүзүлгөндүгүн маалымдайт.
2026-жылдын 31-мартында Кыргызская фондулук биржа соода аянтчасында биржанын тарыхында биринчи жолу ата мекендик зергер өндүрүүчүгө күмүш сатуу боюнча бүтүм түзүлдү. Сооданын жыйынтыгында 1000 грамм күмүш зергер өндүрүүчү компания – ОсОО «Алтын Гард» тарабынан сатылып алынды.
Биржа механизми аркылуу жүргүзүлгөн бул бүтүм процедуранын ачык-айкындуулугун, рынок катышуучулары үчүн тең мүмкүнчүлүктөрдү камсыз кылып, ошондой эле адилеттүү рыноктук баанын калыптанышына шарт түздү.
Ата мекендик өндүрүүчүгө күмүштү сатуу уюшкан баалуу металлдар рыногун өнүктүрүүдөгү маанилүү кадам болуп саналат жана ички зергер өндүрүшүнүн өнүгүшүнө өбөлгө түзөт. Баалуу металлдар департаменти мындан ары да баалуу металлдарды биржа аркылуу сатуу механизмин өнүктүрүү, ата мекендик өндүрүүчүлөрдүн катышуусун кеңейтүү жана рыноктун ачык-айкындуулугун жогорулатуу багытында иштерди улантат.